Leitarvélabestun (SEO)

20 atriði til að hafa í huga

Fylgdu leiðbeiningum Google

Algrími (algorithm) Google leitarvélarinnar er einræðisherra vefsíðna sem ber að virða. Við lifum á tímum veraldarvefsins og allt sem við leitum að finnum við á Google. Það þýðir að ef þú vilt að fólk finni síðuna þína, þá þarftu að leggja áherslu á leitarvélabestun.

Leitarvélabestun þýðir einfaldlega að vefsíðan þín verður að vera byggð og starfrækt innan ákveðinna leiðbeininga svo þú getir birst hærra í niðurstöðum Google. Það snýst allt um að fínstilla vefinn þinn til að vera leitarvænn. Það hefur bein áhrif á uppbyggingu og smíði vefsíðna (tæknilega) og allt innihald þeirra, bæði tæknileg atriði og efnisinnihald verður að lúta reglum leitarvéla.

Kynntu þér grundvallaratriði leitarvélabestunar

Ef þú vilt reka vefsíðu þarftu virkilega að vita eitthvað um leitarvélabestun og því meira sem þú veist, því betra. Það sem vel er gert í leitarvélabestun mun spara þér mikinn tíma (og peninga) síðar þar sem þú ert að auka líkurnar á því að mögulegir viðskiptavinir finni þig í leitarvélum.

Hafa skal í huga að leitarvélabestun er ekki tímabundið átak heldur erfiðis vinna sem getur tekið langan tíma að ávaxta sig. Aðeins örfáir starfsmenn hjá Google vita nákvæmlega hvernig algríminn þeirra virkar og hann breytist um 15% árlega.

Nokkur atriði sem hafa ber í huga við leitarvélabestun:

  1. Settu upp og lærðu á google analytics svo að þú vitir hvernig notendur haga sér inn á vefsíðunni þinni
  2. Settu upp og lærðu á google search console svo að þú getir fylgst með hvaðan heimsóknirnar eru að koma
  3. Settu upp SEO viðbót ef þú ert með WordPress síðu, eins og RankMath eða Yoast
  4. Settu upp veftré (Sitemap) til að hjálpa leitarvélum að lesa vefinn þinn
  5. Passaðu að síðan þín sé með TLS/SSL skilríki (https)
  6. Vertu með góða og hraða hýsingu.  Hraði skiptir máli
  7. Skoðaðu hvaða leitarorð eru þér mikilvæg og lærðu að nota þau í efninu sem þú setur á síðuna þína
  8. Merktu allar myndir með (alt) skýringartexta
  9. Settu lýsingartexta fyrir leitarvélar (meta description) á allar síður
  10. Settu upp google my business, þetta er sérstaklega mikilvægt ef þú ert að þjóna lókal markaði.
  11. Kynntu þér „link building“, bæði innan síðu og frá öðrum síðum
  12. Notaðu H1 fyrirsagnir og settu leitarorð í fyrirsögn. Ekki nota meira en eina H1 fyrirsögn á hverja síðu.
  13. Passaðu að myndir séu bestaðar (optimized) svo þær hægi ekki á vefnum
  14. Hafðu skýrt og lýsandi URL
  15. Hafðu textann eins skýran og þú getur og notaðu stuttar setningar
  16. Passaðu upp á hlutfall html texta og mynda.
  17. Keyptu birtingar á Google og samfélagsmiðlum til að keyra upp umferð
  18. Passaðu að síðan þín sé eins hröð og kostur er á, hér er ekki bara átt við um hversu lengi síðan hleðst upp fyrir notendur, heldur þarf að passa að síðan sé bestuð (optimised) svo enginn kóði (javascript) sé að hægja á henni
  19. Notaðu þau fríu tól sem eru í boði eins og google speed test GT metrics.
  20. Passaðu upp á villusíður 4xx og endurtekið efni (duplicates), svoleiðis er eitur í æðum leitarvéla

Samantekt

Þetta er alls ekki tæmandi listi. Mikilvægt er að muna að leitarvélabestun er samspil tæknilegra atriða og efnislegts innihalds. Ekki klikka á grundvallaratriðum og ekki flækja hlutina of mikið. Markmið leitarvéla er alltaf að para hverja leit við bestu mögulegu niðurstöðuna. Þetta þýðir að það er líklegast að vinsælustu síðurnar sem flestir hafa skoðað áður koma efst.

Vinsælustu síðurnar eru ekki alltaf flottustu greinarnar eða áhugaverðasta efnið. Efstu leitarniðurstöðurnar geta einfaldlega verið greinar frá mjög stórum aðilum sem eru búnir að eyða miklu fé í birtingar. Í öðrum orðum er oft gott að hugsa þetta þannig að mikilvægasti þátturinn er umferðin sem þú færð og hversu vel notendum líður inn á síðunni þinni (hvað þeir staldra lengi við, skoða margar undirsíður o.s.frv.).

Leggðu áherslu á það að efnið þitt sé viðeigandi og áhugavert. Keyptar birtingar eru mikilvægur hluti leitarvélabestunar í dag þar sem Google tekur mið af vinsældum vefsíðna.

Það getur margborgað sig að fá sérfræðiaðstoð svo að þú sért ekki að klikka á grundvallaatriðum. En hér ber að varast gylliboð frá snákaolíu sölumönnum sem lofa óraunverulegum árangri (að þú birtist í topp 10 í leitarniðurstöðum eða álíka), þetta getur reynst skammgóður vermir sem skaðar síðuna þína til lengri tíma litið. Þegar kemur að leitarvélabestun er mikilvægt að greina samkeppnina vel og setja sér raunhæf markmið til lengri tíma.

Ekki falla í þá gryfju að halda að þú munir sjálfkrafa birtast á fyrstu síðu leitar á Google ef efnið þitt er nógu gott og áhugavert. Árangur í leitarvélabestun er fyrst og fremst náð í gegnum vinnu, sköpunarkraft, útsjónarsemi, skipulag og öguðum vinnubrögðum.

Share on facebook
Share on twitter
Share on linkedin

Þessi vefsíða notar vefkökur (cookies) til að bæta upplifun þína. Með því að halda áfram samþykkir þú stefnu okkar um vefkökur

Þessi vefsíða notar vefkökur (cookies) til að bæta upplifun þína. Með því að halda áfram samþykkir þú stefnu okkar um vefkökur.