Vefumsjónarkerfi

Af hverju er WordPress svona vinsælt?

Hvað er vefumsjónarkerfi?

Ef þú vilt ekki kóða vefsíðu frá grunni, þá þarftu vefumsjónarkerfi. WordPress, Wix, Squarespace og Shopify eru dæmi um opin vefumsjónarkerfi. Þau spara mikinn tíma þar sem þau eru með sniðmát sem þú getur notað til að aðlaga vefinn að þínum þörfum.

Það eru einnig margir minni aðilar sem bjóða ennþá upp á lokuð kerfi, en sú þróun fer dvínandi þar sem þau fyrirtæki sem bjóða slíkt geta engan veginn staðist samanburð við stóru alþjóðlegu risana þegar kemur að vöruþróun og nýjungum.   

Hvað þarf að hafa í huga við val?

Vefumsjónarkerfi eru misvel búin af ólíkum eiginleikum og viðbótum sem nýtast í uppbyggingu vefja. Sum vefumsjónarkerfi eru mjög notendavæn og einföld í notkun en eru þá á móti frekar takmörkuð þegar kemur að sérsniðnum lausnum.

Af hverju er WordPress svona vinsælt?

WordPress vefumsjónarkerfið er það stærsta í heiminum í dag og býður upp á gott samspil möguleika og notendavænleika þar sem forritarar geta gert flóknar breytingar og aðili með takmarkaða tæknilega þekkingu getur gert einfaldar breytingar og séð um daglegan rekstur eins og t.d. innsetningu efnis.

WordPress er búið mun fleiri möguleikum en t.d. wix, squarespace eða Shopify og er því mun öflugra vefumsjónarkerfi. Hægt er að velja mismunandi þema (themes) sem auðvelda vinnu oft til muna en geta einnig verið takmarkandi og því þarf að skoða allar þarfir vel og vandlega áður en þema er valið.

Við hjá Basic Markaðsstofu notum að mestu WordPress vegna þess að það gefur okkur sveigjanleika þegar kemur að eiginleikum og hönnun.

Virkni og sérsmíði

Sum fyrirtæki þurfa sérsniðnar lausnir á sínum vefsíðum. Þau kunna að vilja öflugar leitarvélar til að vafra um gögn eða sérstaka gagnvirka eiginleika. Þessi tegund af virkni krefst oft mikillar vinnu og þarfnast prófana. Hér er mikilvægt að velja rétta grunninn (vefumsjónarkerfi og þema) áður en hafist er handa.

Stjórnun efnisinnihalds

Þegar talað er um efni þá á það við allt sem síðan inniheldur. Oftast er það texti og myndir en það geta líka verið myndbönd, skjöl eða skrár. Það getur tekið mikinn tíma að setja inn efni á vefsíðuna og er þetta oft á tíðum mjög vanáætlaður vinnuliður í vefsíðugerð.

Þar að auki er það ekki nóg bara einfaldlega að setja allt efnið inn. Þú verður að aðlaga efnið að því vefumsjónarkerfi sem þú ert að nota og gera það vefvænt. Til dæmis ef þú hleður inn fullt af stórum myndum verður vefsíðan þín þung og tekur lengri tíma að hlaða hana.

Flest vefumsjónakerfi innihalda tól eða bjóða upp á viðsbætur til að aðstoða notendur með leitarvélabestun en þar er WordPress t.d. með Yoast kerfið sem er mun öflugri viðbót en hin kerfin bjóða upp á.

Samantekt

  • Vertu með þarfirnar á hreinu áður en þú velur vefumsjónarkerfi. Í upphafi skal endann skoða.
  • Því einfaldara sem kerfið er, því flótlegra og ódýrara er að setja upp, en hafa ber í huga þær takmarkanir sem eru til staðar.
  • Ef þú ert ekki viss, fáðu þá ráðgjöf, það getur reynst dýrt að ana af stað og vona það besta.
  • Pældu vel í kostnaði, það getur verið freistandi að fá síður í áskrift fyrir lága mánaðarlega þóknun en getur reynst dýrara til lengra tíma litið og fleiri takmörkunum háð.
  • Ekki læsa þig í lokuðu kerfi þar sem þú getur ekki breytt um þjónustuaðila án þess að byrja aftur á byrjunareit.

Share on facebook
Share on twitter
Share on linkedin

Þessi vefsíða notar vefkökur (cookies) til að bæta upplifun þína. Með því að halda áfram samþykkir þú stefnu okkar um vefkökur

Þessi vefsíða notar vefkökur (cookies) til að bæta upplifun þína. Með því að halda áfram samþykkir þú stefnu okkar um vefkökur.