Gjafaleikir á facebook – 10 atriði til að hafa í huga við uppsetningu þeirra

Sitt sýnist hverjum um ágæti facebook gjafaleikja, sumir elska þá á meðan öðrum finnst þeir vera plága. Í þessari grein munum við fjalla stuttlega um kosti og galla þessara leikja.

Í grunninn eru gjafaleikir góð leið fyrir fyrirtæki til þess að ná til margra á samfélagsmiðlum líkt og facebook og instagram án þess að greiða fyrir dreifinguna en uppsetning og umgjörð þeirra skiptir miklu máli hvað varðar árangur.

Svo hvaða atriði ber að hafa í huga?

Er vinningurinn nógu spennandi?

Það getur verið töluvert áhrifaríkara að gera einn stóran leik en marga minni  en það veltur svolítið á hversu verðmætur og spennandi vinningurinn er.

Eru skilaboðin skýr?

Ekki falla í þá gryfju að hafa leikinn of flókinn eða of langann. Einungis lítill hluti fólks les langan texta til enda svo hafðu aðalatriðin í byrjun. Alls ekki biðja um meira en tvær aðgerðir að hálfu þátttakenda í hverjum leik, helst bara eina.

Hvert er markmið leiksins?

Ef þú vilt fleiri „like“ eða fylgjendur á síðuna þína láttu þá þar við sitja, ef þú vilt sem mesta dreifingu á leiknum biddu þá þátttakendur að „tagga“ vin, ekki biðja um allt.

Gefðu viðeigandi vinning?

Ef þú mögulega getur, gefðu þá eitthvað sem þú selur sjálfur til að hámarka auglýsingagildið.

Láttu líftíma leiksins vera hæfilegan

Það er okkar mat að 1-2 vikur sé hæfilegur líftími facebook leikja. Ef þeir eru mikið styttri þá ertu ekki alltaf að ná nægilegra góðri dreifingu og ef þeir eru mikið lengri þá missir fólk áhugan og færri taka þátt en ella.

Eru þátttakendur í leiknum áhugaverður markhópur fyrir þitt fyrirtæki?

Það er alltaf ákveðin hópur fólks sem er tilbúin að taka þátt í öllum leikjum en þetta er ekki endilega áhugaverður markhópur fyrir þitt fyrirtæki.  Þú vilt ná til fólks sem er líklegt til að kaupa vöruna þína eða hafa áhuga á þínu fyrirtæki. Þess vegna skiptir gæði hér meira máli en magn, eins og svo oft í lífinu.

Fylgstu leiknum eftir

Leiðréttu hann (gerðu hann skýrari) ef að margir þátttakendur eru ekki að gera það sem þú baðst um og settu smá pening í dreifingu á leiknum ef hann er ekki að ná góðri dreifingu.

Settu grípandi mynd við færsluna

Myndefni er það sem grípur athyglina miklu frekar en textinn, settu vinnu í myndina sem þú birtir með leiknum og reyndu að hafa hana eins grípandi og hægt er.

Ekki hafa texta of sölumiðaðan

facebook leikir eru ekki beinar auglýsingar svo ekki hafa textann of sölumiðaðan því þá missir leikurinn marks.

Markaðssettu gagnvart þeim sem taka þátt

Nýttu þér markhópinn sem sýnir vörunni þinni áhuga og birtu auglýsingar gagnvart þeim hópi.

 

Við vekjum athygli á því að þetta er ekki tæmandi listi en vonum að þetta verði þér að gagni.

Share on facebook
Share on twitter
Share on linkedin